Listen Diwali Padwa Special "पवित्र गोपाल स्तुति : नमो विश्वस्वरूपाय...| Gopal Stuti With Lyrics | Lord Krishna Deovtional Songs" <br /><br />Lyrics :<br />* गोपाल स्तुति<br />नमो विश्वस्वरूपाय विश्वस्थित्यन्तहेतवे।<br />विश्वेश्वराय विश्वाय गोविन्दाय नमो नमः॥1॥<br /> <br />नमो विज्ञानरूपाय परमानन्दरूपिणे।<br />कृष्णाय गोपीनाथाय गोविन्दाय नमो नमः॥2॥<br /> <br />नमः कमलनेत्राय नमः कमलमालिने।<br />नमः कमलनाभाय कमलापतये नमः॥3॥<br /> <br />बर्हापीडाभिरामाय रामायाकुण्ठमेधसे।<br />रमामानसहंसाय गोविन्दाय नमो नमः॥4॥<br /> <br />कंसवशविनाशाय केशिचाणूरघातिने।<br />कालिन्दीकूललीलाय लोलकुण्डलधारिणे॥5॥<br /> <br />वृषभध्वज-वन्द्याय पार्थसारथये नमः।<br />वेणुवादनशीलाय गोपालायाहिमर्दिने॥6॥<br /> <br />बल्लवीवदनाम्भोजमालिने नृत्यशालिने।<br />नमः प्रणतपालाय श्रीकृष्णाय नमो नमः॥7॥<br /> <br />नमः पापप्रणाशाय गोवर्धनधराय च।<br />पूतनाजीवितान्ताय तृणावर्तासुहारिणे॥8॥<br /> <br />निष्कलाय विमोहाय शुद्धायाशुद्धवैरिणे।<br />अद्वितीयाय महते श्रीकृष्णाय नमो नमः॥9॥<br /> <br />प्रसीद परमानन्द प्रसीद परमेश्वर।<br />आधि-व्याधि-भुजंगेन दष्ट मामुद्धर प्रभो॥10॥<br /> <br />श्रीकृष्ण रुक्मिणीकान्त गोपीजनमनोहर।<br />संसारसागरे मग्नं मामुद्धर जगद्गुरो॥11॥<br /> <br />केशव क्लेशहरण नारायण जनार्दन।<br />गोविन्द परमानन्द मां समुद्धर माधव॥12॥
